ഇനിയും വേട്ടയാടി ഇളയ കൊച്ചിന് അമ്മയെ കൂടി നഷ്ടപ്പെടുത്തരുതേ ! കുട്ടിയുടെ അമ്മ കൂട്ടുകാരിയോട് പറഞ്ഞത് ഇങ്ങനെയൊക്കെ

തൊടുപുഴ : ഇനിയും ഫേസ് ബുക്കില്‍ തന്നെ വേട്ടയാടി തന്റെ ചിത്രം പ്രചരിപ്പിച്ച് മോശമായ കമന്റുകള്‍ ഇടുന്നതിനെതിരെ രൂക്ഷമായി പ്രതികരിച്ച് കുട്ടിയുടെ അമ്മ. തനിക്ക് തെറ്റ് പറ്റി പോയെന്നും അതിനുള്ള ശിക്ഷ തനിക്ക് കിട്ടി.

ഇനിയും ഫേസ്ബുക്കില്‍ മോശമായ ഭാഷയില്‍ വിചാരണ നടത്തിയാല്‍ ഒരു പക്ഷേ ജീവിതം തന്നെ അവസാനിപ്പിക്കുമെന്നും കുട്ടിയുടെ അമ്മ കൂട്ടുകാരിയോട് പറഞ്ഞതായി വിവരം ലഭിച്ചു.

അരുണ്‍ ആനന്ദിനോട് തനിക്ക് ഏറെ ഇഷ്ടവും വിശ്വാസവും ഉണ്ടായിരുന്നു. എന്നാല്‍ അതിലൂടെ തന്നെയും കുടുംബത്തെയും അരുണ്‍ വഞ്ചിക്കുകയായിരുന്നുവെന്നും അവര്‍ പറയുന്നു. ഇനി തന്റെ ഇളയ കുട്ടിയേയും തന്റെ അമ്മയേയും സംരക്ഷിക്കുകയെന്നതാണ് തന്റെ ജീവിത ലക്ഷ്യമെന്നും അവര്‍ പറഞ്ഞതായി കുട്ടുകാരി പറയുന്നു.