” മന്ത്രിമാർ താമസിക്കുന്ന ചില വീടുകളുടെ അവസ്ഥ എന്താണ് ? മരപട്ടിയുടെ മൂത്രം വീഴുമെന്നതിനാല്‍ വെള്ളം എപ്പോഴും അടച്ചുവെച്ചിരിക്കുകയാണ്”.”

ഐ.എ.എസ് ഉദ്യോഗസ്ഥർക്കുള്ള ഓഫീസേഴ്സ് എൻക്ലേവിന്റെ ശിലാസ്ഥാപനച്ചടങ്ങില്‍ സംസാരിക്കുകയായിരുന്നു അദ്ദേഹം.

‘വലിയ സൗകര്യങ്ങളോടെയാണ് മന്ത്രിമാർ താമസിക്കുന്നതെന്നാണല്ലോ ജനങ്ങളൊക്കെ കരുതുന്നത്ത്. ആ മന്ത്രിമാർ താമസിക്കുന്ന ചില വീടുകളുടെ അവസ്ഥ എന്താണ്? രാവിലെ ഇടേണ്ട ഷർട്ടൊക്കെ ഇസ്തിരിയിട്ട് വച്ചുവെന്ന് കരുതുക. കുറച്ച്‌ കഴിയുമ്ബോള്‍ അതിന്റെ മേല്‍ വെള്ളം വീഴും. ഏതാ വെള്ളം. മരപട്ടിയുടെ മൂത്രം.

മരപട്ടിയുടെ മൂത്രം വീഴുമെന്നതിനാല്‍ വെള്ളം എപ്പോഴും അടച്ചുവെച്ചിരിക്കുകയാണ്. എന്തിനും അനാവശ്യമായ വിവാദങ്ങള്‍ ഉയർത്തിക്കൊണ്ട് വരുന്നതാണ് കേരളത്തിന്റെ പ്രത്യേകത. വിവാദങ്ങള്‍ നടന്നോട്ടെ. ആവശ്യമായ കാര്യങ്ങള്‍ നടക്കുന്നതാണ് പ്രധാനം. പ്രശസ്തമായ ഗസ്റ്റ് ഹൗസുകളുടെ അവസ്ഥ എന്താണ്. കെട്ടിടങ്ങള്‍ സംരക്ഷിക്കേണ്ടത് നമ്മുടെ ആവശ്യമാണ്, പിണറായി വിജയൻ പറഞ്ഞു.