മന്ത്രി സുനില്‍കുമാറിന്റെ വാഹനം ബ്ലോക്കില്‍ കുരുങ്ങി, പൊലീസിനോട് കയര്‍ത്ത് എല്‍ദോ എംഎല്‍എ,
കൊച്ചി: മൂവാറ്റുപുഴയില്‍ മന്ത്രിയുടെ വണ്ടി ബ്ലോക്കില്‍ കുടുങ്ങിയതിന് പൊലീസുകാര്‍ക്ക് എംഎല്‍എയുടെ ശകാരം. മന്ത്രി വി എസ് സുനില്‍കുമാറിന്റെ വാഹനം ബ്ലോക്കില്‍ കുടുങ്ങിയതിന് സ്ഥലം എംഎല്‍എ എല്‍ദോ എബ്രഹാമാണ് പൊലീസുകാരെ ശകാരിച്ചത്. റോഡ് നന്നാക്കാത്തതിന് പൊലീസിനെ കുറ്റപ്പെടുത്തരുതെന്നായിരുന്നു കേട്ടുനിന്നവരുടെ പ്രതികരണം.
മൂവാറ്റുപുഴ കീച്ചേരിപ്പടിയില്‍ ശനിയാഴ്ച വൈകീട്ടാണ് സംഭവം. കോതമംഗലത്ത് നിന്ന് വാഴക്കുളത്തേക്ക് പോകേണ്ട മന്ത്രി വി എസ് സുനില്‍കുമാറിന്റെ വാഹനമാണ് ബ്ലോക്കില്‍പ്പെട്ടത്. അനുവദനീയമായ റൂട്ടിലൂടെ മാത്രമേ വിഐപികളുടെ വാഹനം കൊണ്ടുപോകാവൂ എന്നാണ് ചട്ടം. അതിനാല്‍ ബ്ലോക്ക് മാറ്റുകയല്ലാതെ പൊലീസിന്റെ മുന്‍പില്‍ മറ്റു വഴികള്‍ ഒന്നും ഉണ്ടായിരുന്നില്ല.
കീച്ചേരിപ്പടിയില്‍ വണ്‍വേ റോഡ് കട്ടവിരിക്കുന്നതിനാല്‍ തടിലോറിയടക്കം പ്രധാന നിരത്തിലൂടെയാണ് പോയത്. ഇതാണ് വഴി തടസ്സപ്പെടാന്‍ ഇടയായത്.അതേസമയം ബ്ലോക്ക് ഒഴിവാക്കാന്‍ പൊലീസ് ശ്രമിക്കാത്തത് ചൂണ്ടിക്കാണിക്കുക മാത്രമാണ് ചെയ്തതെന്ന് എല്‍ദോ എബ്രഹാം എംഎല്‍എ വിശദീകരിച്ചു. തിരക്കേറിയ സമയത്ത് വാഹനങ്ങള്‍ തിരിച്ചുവിടാന്‍ പൊലീസ് വേണ്ടത്ര ജാഗ്രത കാണിക്കാത്തത് ചോദിക്കുകയാണ് ചെയ്തതെന്നും സാധാരണ യാത്രക്കാര്‍ക്കും കിട്ടേണ്ട സേവനമാണിതെന്നും എംഎല്‍എ പറഞ്ഞു.
മുഴുവന്‍ വാര്‍ത്തകള്‍
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്