ഭീമയെ ബഹിഷ്ക്കരിക്കാന് ജനങ്ങളും തയ്യാറാകണം; ബല്‍റാം – ‘ഭീമയിലെ കസ്റ്റമേഴ്‌സില്‍ 72% പേര്‍ ഹിന്ദുനാമധാരികള്‍’
തിരുവനന്തപുരം: മാതൃഭൂമിയില്‍ നിന്ന് പരസ്യം ബഹിഷ്‌കരിച്ച ഭീമ ജ്വല്ലേഴ്‌സിനെതിരെ വിടി ബല്‍റാം എംഎല്‍എ. സംഘപരിവാര്‍ സംഘടനകള്‍ സോഷ്യല്‍ മീഡിയയില്‍ നടത്തിയ സൈബര്‍ ആക്രമണത്തെ തുടര്‍ന്ന് മാതൃഭൂമി പത്രത്തിലെ പരസ്യങ്ങള്‍ നിര്‍ത്തുന്നുവെന്ന് ഭീമ അറിയിച്ചിരുന്നു. തുടര്‍ന്നാണ് ബല്‍റാമിന്റെ പ്രതികരണം.
മാതൃഭൂമിയെ ബഹിഷ്ക്കരിക്കാന് ഭീമ തയ്യാറായാല്‍ ഭീമയെ ബഹിഷ്ക്കരിക്കാന് ജനങ്ങളും തയ്യാറാകണമെന്ന് എംഎല്‍എ അഭിപ്രായപ്പെട്ടു. ഇപ്പോള്‍ത്തന്നെ ഭീമയില്‍ നിന്നേ ഇനി സ്വര്‍ണ്ണം വാങ്ങൂ എന്ന് പറഞ്ഞ് സംഘികള്‍ ക്യാംപയിന്‍ തുടങ്ങിക്കഴിഞ്ഞു. എന്നാല്‍പ്പിന്നെ അതങ്ങനെത്തന്നെയാവട്ടെ, സംഘികള്‍ ഭീമയില്‍ നിന്ന് തന്നെ സ്വര്‍ണ്ണം വാങ്ങട്ടെ, സംഘികള്‍ മാത്രം ഭീമയില്‍ നിന്ന് സ്വര്‍ണ്ണം വാങ്ങട്ടെ ബല്‍റാം ഫേസ്ബുക്ക് പോസ്റ്റില്‍ വ്യക്തമാക്കി.
എന്നാല്‍ ഭീമയിലെ ഉപഭോക്താക്കളുടെ ലിസ്‌റ്റില്‍ 72 % ഹിന്ദു നാമധാരികളാണെന്നാണ്‌ ഭീമയിലെ മുതിര്‍ന്ന ഒരു ജീവനക്കാരന്‍ പ്രതികരിച്ചത്‌.
വിടി ബല്‍റാമിന്റെ ഫേസ്ബുക്ക് പോസ്റ്റിന്റെ പൂര്‍ണരൂപം;
ഒരു സ്വര്‍ണ്ണക്കച്ചവടക്കാരനും ഒരു മാധ്യമ സ്ഥാപനവും മുഖാമുഖം എതിര് നിന്നാല്‍ മാധ്യമ സ്ഥാപനത്തിന് പിന്തുണ നല്‍കുക എന്നതില്‍ ജനാധിപത്യവിശ്വാസികള്‍ക്ക് രണ്ടാമതൊന്ന് ചിന്തിക്കേണ്ടതില്ല. അതുകൊണ്ട് മാതൃഭൂമിയെ ബഹിഷ്ക്കരിക്കാന് ഭീമ തയ്യാറായാല്‍ ഭീമയെ ബഹിഷ്ക്കരിക്കാന് ജനങ്ങളും തയ്യാറാകണം.
ഇപ്പോള്‍ത്തന്നെ ഭീമയില്‍ നിന്നേ ഇനി സ്വര്‍ണ്ണം വാങ്ങൂ എന്ന് പറഞ്ഞ് സംഘികള്‍ ക്യാംപയിന്‍ തുടങ്ങിക്കഴിഞ്ഞു. എന്നാല്‍പ്പിന്നെ അതങ്ങനെത്തന്നെയാവട്ടെ, സംഘികള്‍ ഭീമയില്‍ നിന്ന് തന്നെ സ്വര്‍ണ്ണം വാങ്ങട്ടെ, സംഘികള്‍ മാത്രം ഭീമയില്‍ നിന്ന് സ്വര്‍ണ്ണം വാങ്ങട്ടെ.
മുഴുവന്‍ വാര്‍ത്തകള്‍
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്