കിടപ്പാടത്തിനായി സമരം ചെയ്ത പ്രീത ഷാജിയെ പൊലീസ് അറസ്റ്റ് ചെയ്തു; അറസ്റ്റ് ജപ്തി നടപടി തടസ്സപ്പെടുത്തിയതിന്

സുഹൃത്തിന് ജാമ്യം നിന്നതിന്റെ പേരില്‍ വീടും സ്ഥലവും ജപ്തി ചെയ്യാതിരിക്കാനായി ഡെബ്റ്റ് റിക്കവറി ട്രൈബ്യൂണലിന്റെ [ഡിആര്‍ടി] ഓഫീസിനു മുന്നില്‍ സമരത്തിനെത്തിയ കൊച്ചിയിലെ വീട്ടമ്മ പ്രീത ഷാജി ഉള്‍പ്പെടെ പന്ത്രണ്ടു പേരെ അറസ്റ്റു ചെയ്തു. ജപ്തി നടപടി തടസ്സപ്പെടുത്തിയതിനാണ് ഇവരെ അറസ്റ്റു ചെയ്ത് നീക്കിയത്.

രണ്ടു ദിവസം നീണ്ടുനില്‍ക്കുന്ന രാപകല്‍ സമരമായിരുന്നു ആഹ്വാനം ചെയ്തിരുന്നത്. പനമ്പള്ളി നഗറിലെ ഡെബ്റ്റ് റിക്കവറി ട്രൈബ്യൂണലിനു മുന്നിലായിരുന്നു സമരം ചെയ്യാന്‍ തീരുമാനിച്ചത്. പ്രതിഷേധ സമരം തുടങ്ങുന്നതിന് തൊട്ടുമുമ്പാണ് സമരക്കാരെ അറസ്റ്റുചെയ്തത്.