×

25,000 ബൂത്തു കമ്മിറ്റിക്ക് 50,000 ; 125 കോടി രൂപ- ജനമോചനയാത്രയുമായി കോണ്‍ഗ്രസ്

തിരുവനന്തപുരം: വര്‍ഗീയ ഫാസിസത്തിനും കൊലപാതക രാഷ്ട്രീയത്തിനുമെതിരെ കേരള പ്രദേശ് കോണ്‍ഗ്രസ് കോണ്‍ഗ്രസ് കമ്മറ്റി കോടികള്‍ പിരിക്കുന്നു. കെപിസിസി അധ്യക്ഷന്‍ എം.എം.ഹസന്‍ ഏപ്രില്‍ ഏഴു മുതല്‍ 26 വരെ നടത്തുന്ന ജനമോചനയാത്രയിലൂടെ 125 കോടി രൂപ പിരിക്കാന്‍ കോണ്‍ഗ്രസ് തയാറെടുക്കുന്നത്. വര്‍ഗീയ, ഫാസിസ്റ്റ് വിരുദ്ധ, അക്രമവിരുദ്ധ ജാഥയാണ് കോണ്‍ഗ്രസ് നടത്തുന്നത്. ഈ യാത്രയില്‍ നിന്ന് പണം സ്വരൂപിക്കാനാണ് കോണ്‍ഗ്രസ് ലക്ഷ്യമിടുന്നത്.

പണപ്പിരിവിനായി 25,000ത്തോളം വരുന്ന ബൂത്തു കമ്മിറ്റികള്‍ക്ക് 50,000 രൂപയുടെ കൂപ്പണ്‍ വിതരണം ചെയ്തുകഴിഞ്ഞു. പിരിക്കുന്നതില്‍ 25,000 രൂപ ബൂത്തുകമ്മിറ്റികള്‍ക്ക് എടുക്കാം. 5000 വീതം ബ്ലോക്ക്, മണ്ഡലം കമ്മിറ്റികള്‍ക്ക് നല്‍കും. ഡിസിസി, കെപിസിസി എന്നിവയുടെ വിഹിതം പതിനായിരമാണെന്ന് ഹസ്സന്‍ കഴിഞ്ഞ ദിവസം വ്യക്തമാക്കിയിരുന്നു.

ഏഴിനു കാസര്‍കോട്ട് കോണ്‍ഗ്രസ് പ്രവര്‍ത്തകസമതി അംഗം എ.കെ.ആന്റണി ഉദ്ഘാടനം ചെയ്യും. ജില്ലകളില്‍ മൂന്നു നിയോജകമണ്ഡലങ്ങള്‍ സംയുക്തമായി പൊതു സമ്മേളനം നടത്തും. തുടര്‍ന്നായിരിക്കും കോണ്‍ഗ്രസിന്റെ ജാഥ ആരംഭിക്കുക.

ഗാന്ധി സ്മൃതി സംഗമങ്ങളുടെ ഭാഗമായി ‘അക്രമത്തിനും സ്ത്രീപീഡനങ്ങള്‍ക്കുമെതിരെ വനിതകള്‍’ എന്ന മുദ്രാവാക്യം ഉയര്‍ത്തി 31ന് എറണാകുളത്തു ഗാന്ധി വനിതാ സംഗമം മഹിളാ കോണ്‍ഗ്രസിന്റെ നേതൃത്വത്തില്‍ നടത്തും.

രണ്ടുലക്ഷം വരെയുള്ള കാര്‍ഷിക കടങ്ങള്‍ എഴുതിത്തള്ളുക, റബര്‍, കാപ്പി തുടങ്ങിയ കാര്‍ഷിക ഉല്‍പന്നങ്ങള്‍ക്കു തറവില പുതുക്കി നിശ്ചയിക്കുക തുടങ്ങിയ ആവശ്യങ്ങള്‍ ഉന്നയിച്ചു കര്‍ഷക കോണ്‍ഗ്രസ് ഏപ്രില്‍ നാലിനു സെക്രട്ടേറിയറ്റ് പിക്കറ്റിങ് നടത്താനും കോണ്‍ഗ്രസ് തീരുമാനിച്ചിട്ടുണ്ട്.

മുഴുവന്‍ വാര്‍ത്തകള്‍

എനിക്ക്‌ അറിയേണ്ട വാര്‍ത്തകള്‍ എന്റെ ഫെയ്‌സ്‌ ബുക്കില്‍ സൗജന്യമായി ലഭിക്കാന്‍ ഗ്രാമജ്യോതി Facebook പേജില്‍ അംഗമാവൂ.

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്

×
Top