×

തങ്ങളുടെ വൈദ്യുതി പദ്ധതികള്‍ നിര്‍മിക്കുന്നത് ബ്രഹ്മപുത്രയിലല്ല, ടിബറ്റന്‍ നദികളിലാണെന്ന് വ്യക്തമാക്കി ചൈന.

ബെയ്ജിങ് : തങ്ങളുടെ വൈദ്യുതി പദ്ധതികള്‍ നിര്‍മിക്കുന്നത് ബ്രഹ്മപുത്രയിലല്ല, ടിബറ്റന്‍ നദികളിലാണെന്ന് വ്യക്തമാക്കി ചൈന.

ടിബറ്റിനോടു ചേര്‍ന്നു കിടക്കുന്ന പ്രദേശങ്ങളില്‍ അണക്കെട്ടു നിര്‍മിക്കുന്നതിനാണു ചൈനയുടെ നീക്കമെന്ന് ചൈനീസ് മാധ്യമങ്ങളാണ് റിപ്പോര്‍ട്ട് ചെയ്തത്.

ബ്രഹ്മപുത്രയിലെ വെള്ളം വഴിതിരിച്ചുവിടാന്‍ 1000 കിലോമീറ്റര്‍ നീളമുള്ള ടണല്‍ ചൈന നിര്‍മിക്കുന്നതായി നേരത്തെ റിപ്പോര്‍ട്ടുകളുണ്ടായിരുന്നു.

ചൈനയില്‍ യാര്‍ലുങ് ടിസാങ്പോ എന്നറിയപ്പെടുന്ന ബ്രഹ്മപുത്രയില്‍ വിവിധ വൈദ്യുതി പദ്ധതികള്‍ ലക്ഷ്യമിട്ടുള്ള പ്രവര്‍ത്തനങ്ങള്‍ നടക്കുന്നതായും റിപ്പോര്‍ട്ടുകളുണ്ട്. എന്നാല്‍ പദ്ധതിയുടെ ആദ്യഘട്ടത്തില്‍ ചൈനയില്‍നിന്ന് ഇന്ത്യയിലേക്ക് ഒഴുകുന്ന നദികളെ ഉള്‍പ്പെടുത്തിയിട്ടില്ലെന്നാണ് ഗ്ലോബല്‍ ടൈംസ് പറയുന്നത്.

അതേസമയം ടിബറ്റിലെ പ്രധാന നദികളായ ജിന്‍ഷ, ലാങ്കാങ്, നുജിയാങ് എന്നിവയിലാണ് വൈദ്യുതി പദ്ധതി നടപ്പാക്കാന്‍ പോകുന്നതെന്നും ലേഖനം വ്യക്തമാക്കിയിട്ടുണ്ട്.

ചൈന, ഇന്ത്യ, ബംഗ്ലാദേശ് എന്നീ മൂന്ന് രാജ്യങ്ങളിലൂടെ ഒഴുകുന്ന ഒരു വലിയ നദിയാണ് ബ്രഹ്മപുത്ര.

ഇന്ത്യയും ചൈനയുമെല്ലാം ബ്രഹ്മപുത്രയില്‍ നിന്ന് വൈദ്യുതി ഉത്പാദിപ്പിക്കുന്നുണ്ട്. 12000 മെഗാവാട്ടാണ് ബ്രഹ്മപുത്രയുടെ വൈദ്യുതോത്പാദനശേഷിയായി കണക്കാക്കിയിരിക്കുന്നത്. എന്നാല്‍ 160 മെഗാവാട്ടോളം വൈദ്യുതി മാത്രമാണ് ഇപ്പോള്‍ ഉല്‍പാദിപ്പിക്കുന്നത്.

മുഴുവന്‍ വാര്‍ത്തകള്‍

    എനിക്ക്‌ അറിയേണ്ട വാര്‍ത്തകള്‍ എന്റെ ഫെയ്‌സ്‌ ബുക്കില്‍ സൗജന്യമായി ലഭിക്കാന്‍ ഗ്രാമജ്യോതി Facebook പേജില്‍ അംഗമാവൂ.

    വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്

    ×
    Top